Myitkyina Manmaw lam na Ga Ra Yang hte Kasu mare lapran na Pung Mwi Hka mahkrai hpe Myutsaw Brang ni mana de daw hta bawm kapaw di kau sai re.

N'dai laman hta Jinghpaw mung kata e Myen tai hpyen ni grai shamu shamawt nga ai hte Myen hpyen ni kaw na shanglawt hpe majan kaba bai hpaw gasat wa na masa nga ai majaw, ya na zawn Pung Mwi Hka mahkrai hpe kapaw di kau ai lam rai na re nga na buga masha ni sawn shajang nga ma ai na chye lu ga ai.

Myen hpyen hpung ni gaw Jinghpaw Mung hte Sam Mung shara ni hta Poter grai lahkawn nga ai re. Ya na zawn Mare shagu hta Myen ni Poter shang lahkawn nga ai hta law malawng gaw Num Ma ni hpe lahkawn la nga ai lam na chye lu ga ai.

Myen hpyen hpung ni gaw mare hkan e La ( Wa ngan ) ni hpe mu jang mara kata hpyen re nga na majoi jep zingri adup gayet ai a majaw tinang a mare kata hta n'nga gwi mat ai sha nam maling hkan e sha hprawng shingbyi mat ma ai majaw ya na zawn mare hta ngam nga ai Num Ma ni hpe poter lahkawn la nga ai re lam buga masha ni hpe lakap let na chye lu ga ai.

Myitkyina hte Sumpra Bum hkrun lam hpe matut da ai Njip Nsawp mahkrai kaba hpe daini 2 PM ram hta kapaw kau sai lam na lu ai.

Nawng Nang Chyum Jawng grup yin hkan mung jep joi ai lam ni grai law ai lam na lu ai. kau sai lam na lu ai.

KIA Dung 5 ginra hta Myu tsaw share shagan ni hte Myen Hpyen sawa ni daini kawn matut manoi gap gasat ai lam shiga na lu ai,

KIA Dap Ba 4 npu nga Dung 9 Myu tsaw share shagan ni mung myen hpyen la manu mana htaw nna lai wa ai Four Wheel Myen hpyen mawdaw 1 hpe kapaw gamang ayai kau sai lam matut nna tengman kam grin ai shiga lawk kawn na lu ai. Myen hpyen sawa gade daram si hkala ai lam hpe gaw matut manoi sagawn dingyang re nna Tinang Myu Tsaw KIA share shagan ni gaw yawng zeng, jan re ai lam shiga shana wa ai

Myen gumshen hpyen Asuya gaw lai wa sai June shata praw ( 9 ) ya 2011 hta Ta hkaw hka Wan jak masing hpe jahpai n'na Jinghpaw Wunpawng Myusha ni a n'tsa majan hpaw sinat gap hpang wa sai re.

Ya na zawn Myen gumshen hpyen a majaw byin hpang wa ai "Myen hte shanglawt" a dinghku majan kata hta Myen gumshen hpyen ni gaw mara kata mungchying sha ni hpe ma ja e a dup gayet zingri sat, hkum shan roi rip, Poter lahkawn rai lam magup hku na jahte tam zingri nga sai re.