Wunpawng Mungdan Shanglawt Asuya Masat (5) Dap Ba up hkang ginra rai nga ai Nam San Yang, Kyu hpyi bum na KIA Post hpe mung yen kau ya ra mat sai lam shiga na chye lu ai. Ya yang myen hpyen ni gaw KIO Ginjaw ginra ni de hpyen man law law hku nna hpyen n gun law law hte htu lung wa nga ai lam hte Sadung maga de mung tai hpyen n gun (200) jan du nga sai lam shiga na chye lu ai.
Masat (4) Dap Ba npu Dung (24) shara rai nga ai Pan Tsun Post hpe April (10) ya shani myen hpyen ni hpe yen kau ya ra mat sai lam shiga na chye lu ai. Myen tai hpyen ni gaw Daw Hpum Yang post kawn Pan Tsun Post hte (120mm) laknak kaba ni hte gap sharu bun nna hpyen n gun hte htu lung wa ai majaw yen kau ra ai re lam hpe mung matut chye lu ai.
KIA Masat (5) Dap Ba ginra
2012 ning March (10) ya jahpawt hkying (4:30)am aten, KIA Masat (5) Dap Ba ginra, Hkawk Jang mare kaw, Myen Hpyen Dap, Hk.M.Y (381) na hpyen hpung ni hte KIA Masat (5) Dap Ba na hpyen hpung ni gasat poi byin ai lam chye lu ai. Gasat poi byin ai shara hta Myen Hpyen Dap maga de na marai (1) si ai lam chye lu ai.
KIA Masat (5) Dap Ba ginra, Bum Tawng makau grup yin hte Sam Pai lahta kaw (10-4-2012) ya shana maga daw hkying (3:00)pm aten kawn hkying (5:00)pm aten laman, Myen Hpyen Dap Tat Ma (88) na hpyen hpung ni hte KIA Masat (3) Dap Dung na hpyen hpung ni gasat poi byin ai hta Myen Hpyen Dap maga de na si, hkala hkrum ai lam, ram daw law ai hpe chye lu ai.
2012 ning March (9) ya jahpawt hkying (8:30)am aten kaw nna shana maga daw hkying (4:30)pm aten laman, KIA Masat (5) Dap Ba ginra, Npawn mare kaw du nga ai Myen Hpyen Dap, Ts.K.Hk (3) na hpyen hpung ni hte KIA Masat (254,255) Dap Nawng, Dap Dung na hpyen hpung ni gasat poi laja lana byin ai hta Myen Hpyen Dap maga de na hkala hkrum ai law ai hpe chye lu ai.
Myen Hpyen Dap ni, (120mm), (81,82) laknak kaba gap nna Npawn mare wan nat ai ai lam hpe mung matut na chye lu ai.
KIA Masat (3) Dap Ba ginra
KIA Masat (3) Dap Ba ginra hta (10-4-2012) ya shani hkying (10:00)am aten kaw nna hkying (11:00)am aten laman, Myen Hpyen Dap Tat Ma (88) na hpyen hpung ni Sin Lum kaji maga lagaw lam hku lai lung wa ai kaw KIA Masat (21) Dap Dung na hpyen hpung ni hkap gap ai kawn gasat poi byin ai lam chye lu ai.
Myen Hpyen Dap ni KIA Hpyen Hpung ni nga ai Lagat Bum de, laknak kaba hte (3) lang gap bun ai lam hpe mung chye lu ai.
Wunpawng Mungdan Shanglawt Asuya Sam Mung Daju Masat (4) Dap Ba, Dung (36) na KIA myu tsaw share shagan ni gaw April (5) ya shani Mungku ginwang Hpawng Seng na myen hpyen ni a shinglam dap hpe sa htim gasat kau sai lam shiga na chye lu ai. N dai zawn sa htim gasat ai hta myen hpyen la (3) hte balik (2) hpe jahkrung lu rim la lai wa sai lam hte Hpung Seng myen dap hpe mung wan nat jahten kau ya lai wa sai lam shiga na chye lu ai.
Rim tawn da ai myen hpyen la (3) hte balik (2) hpe gaw a tsawm sha bai dat dat sai lam matut na chye lu ga ai.
London Singapore asuya dat kasa rung na Second Secretary hte KNO salang lahkawng gaw ( 5.april.2012 ) jahpawt hta hkrum ai lam chye lu. Singapore asuya kaw nna san ai gaw, hpa majaw nanhte Kachin ni gaphkat jahkring ai lam hta nshang lawm ai ta? nga ga san hpe KNO salang Lashi Goontawng kaw nna lai mat sai 17 ning na simsa lam la nga ai aten na masa lam ni hte National Convention lung ai lam ni, 2008 constitution hte dai hta lakap nna galaw ai 2010 election ni hta KIO kaw nna, mung shawa ni jaw dum ai hku shanglawm sa wa na matu ndau sai lam ni tsun dan ai. Ndai gaw anhte hkam sharang lai wa sai, hkam sharang nga ai lam ni hpe shanhte Singapore Asuya chye na matu lu shana sai.
KIO kaw nna ndau shabra mat wa ai ndau laika [ Burmese/ English] ni hpe mung Second Secretary jan a lata hta nan atsawm sha ap ya lu sai re.
Bai nna ahkyak ai kadai wa gaphkat jahkring ai lam hpe jahten ai chronological order ka mazing da ai laika hpe mung ap ya sai. Matut mahkai hkringdat ai jaw hkat nna, hpang de matut mahkai wa na matu dawdan let, hkrum bawngban ai lam hpe jahkring dat sai lam shiga na chye lu ga ai.
Wunpawng Mungdan Shanglawt Asuya Dap Ba (5) npu Dap Dung (19) Ginra de dai ni KIA myu tsaw share shagan ni hte myen tai hpyen ni laja lana gasat ai lam shiga na chye lu ai. Ya ten Dap Ba (5) Ginra shara shagu hkan KIA myu tsaw share shagan ni gaw myen tai hpyen ni hte gasat nga ai lam hte Dap Ba (3) ginra de mung myen hpyen mana maka htu shang wa nga ai lam shiga na chye lu ai.
Myen hpyen asuya hpung ni gaw dai hpawt hkying (5 hte 6 am) lapran nbungli hte malu masha ni hte laknak ni hpe pajau bum maga de wa sa ya lai wa sai lam shiga na chye lu ai.
4. April. 2012 ya shani 11:45 Am ten tinang KIO uphkang ai Masat (14) Hugawng Ginwang, Daru Ginwang daw kata Dap Kung (4) hpe Hkanti kawn lung wa ai tai Dap 52,299,347,63, Laknak Kaba Dap ni hpe Ningbaw ai (Maj. Htin Lin) n-gun (150)daram hte Wet Hkok Post hpe Danai hka awra hkran (Naga hkran) kawn Sinat kaji shawng gap sharu nna Sinat kaba hte (9) lang gap bun ai lam nga. Dagum zup kaw Labang Htu ( Daw Htu) ngu ai jan a jakli ntsa htaw mara da ai n-gu buk (80) hpe Tai hpyen ni shinggan hkring rau sa nna wa shagyeng htaw la kau ya ai.
N-gu htaw la ngut nna Danai Hka awra hkran du ai hte Sinat kaba hte gap aru bun ai majaw Mungshawa N-ta ginsum langai hten ayai hkru lawm mat ai lam nga.Ya na zawn Tai hpyen ni gaw maga mi de myen amyu sha ni shada ahkawng ahkang jaw by-election hta shanglawm na ahkaw ahkang jaw hkat nna anhte amyu sha mungshawa ni hpe adip roi rip shagyeng sha ai shinggyim ahkaw ahkang hpe grai tawt lai nga ai lam hpe chye lu ai.
2012 ning April (3) ya shani kaw nna, Myen Hpyen Dap, K.Ts.Ht (1) dantawk woi awn ai, Ts.K.Hk (3) Dap Nibyuha(1), Nibyuha(2) Dap Dung yawng (10), Tat Ma (88), D.K.Ts Dap yawng pawng hpawm ai hpyen hpung n-gun (1000) jan gaw, KIO Ginjaw Laiza de htu gasat na matu (120mm), (105mm) laknak kaba ni hpe Gang Dau Yang hte Daw Hpum Yang kaw shara jahkrat nna laja lana htu gasat hkyen wa ai lam chye lu ai.
[IMG]/images/sumla-ni/2012/March-April/mphk.hpyenmodo.jpg[/IMG]Ndai laman laknak kaba (120mm), (105mm), (81,82,84) laknak hpan hkum hkra, M.P.Hk Dap na hpyen Mawdaw (13) hte Gang Dau Yang Myen Hpyen Dap kaw htaw bang tawn nna Npawn mare hte Ja Hta mare maga shani shagu gap nga ai lam chye lu ai. Myen Hpyen Dap ni, majan hta sung lang na matu Myitkyina Nam Pawng nbungli pa kaw hpyen nbungli (3) hpe mung, hkyen shajin tawn da nga ai lam chye lu ai.
Lai wa sai shata (8-1-2012) ya shani hte (8-3-2012) ya shani, KIO hte Myen Asuya lahkawng maga gasat gala shayawm mat wa na matu, Miwa Mungdan, Shweli Zuphpawng hta bawng ban myit hkrum tawn ai raitim, Myen Hpyen Dap ni hku nna, KIO uphkang ai ginra de laja lana gasat gala lam matut galaw nga dingyang re lam hpe chye lu ai.
 2012 ning April (4) ya jahpawt hkying (9:30)am aten kawn shana maga hkying (2:00)pm aten laman, KIA Masat (5) Dap Ba ginra, Gang Dau Yang kaw nna Npawn mare maga hpyen n-gun jat na matu lai lung wa ai Tat Ma Masat (88) na hpyen hpung ni ngu maram lu ai hpyen n-gun (120) daram hte KIA Masat (255) Dap Nawng, Dap Dung na hpyen hpung ni Salang Lajawn Ngan Seng a Rubber sun makau kaw gasat poi byin ai lam chye lu ai.
Gasat poi byin ai shara hta Myen Hpyen Dap maga de na si, hkala hkrum ai lam, ram daw law ai hpe chye lu ai.
Ya ten, Myen Hpyen Dap Ts.K.Hk Masat (21), Tat Ma Masat (88) na hpyen n-gun yawng (600) daram Gang Dau Yang hte Npawn mare hta du nga ai rai nna, hpyen yen mat ai mung mare masha ni a dusat yam nga ni hpe kam ai hku sat sha, dum nta ni hpe mung wan nat jahten ya ai lam matut galaw nga ai hpe chye lu ai.
 UN garum ningtum hpung ni gaw daini 2012 ning April shata praw (2) ya shana de daw maga hkying (6:00)pm aten hta, Sin Praw Ginwa Ginjaw, Mai Ja Yang hte makau grup yin hkan e shanu shingbyi nga ai, hpyen yen masha ni hpe No.2 lang ngu na sa du garum madi shadaw la lai wa sai lam shiga na chye lu ga ai.
Mungkan Garum Ningtum hpung ni hpe UNOCHA kaw na Miss Barbara Manzi woi awn ai rai nna, garum ningtum gunrai madaw (6) lawm ai lam hpe matut na chye lu ga ai.
Du sa ai UNOCHA, UNICEF, UNHCR hte WFP wuhpung ni kawn, n'gu, sau, jum, hpun palawng, di mala, shat ban, shat wan ni hte Ma kaji ni a matu malu masha ni hpe sa du garum lai wa sai lam shiga na chye lu ga ai.
|
RSS Feed